आलिया भोगासी

आलिया भोगासी असावी चादर ...

पांघरुनिया सुस्त झोपी जावे ...

भोगांचे ते काय, येतील जातील ...

परि आलेल्या झोपेस घालवू नये ..!

झोपी जाता नुरे वास्तवाचे भान ..

स्वप्नी विश्व निर्माण करितो स्वये ..

विश्वामाजी होऊ अभिषिक्त नृप ..

आणिक चौफेर राज्य करू ...

राज्य असे की ज्यां नसे दुःख कांही..

समाधानी सर्व, जन होती ...

ना कोणी राहील तृषार्त आणिक ..

क्षुधाग्नी न कोणास भक्षी कदा ..

पंथांची ती नावे असूदे कितीही ...

स्वधर्माच्याच सूती गुंफति सारे ...

जी जी का धरावी इच्छा मनी काही...

ती ती जाता झोपी, पूर्ण होईल ...!

😴😴😴