आले गांधी, गेले गांधी..

 

आले गांधी, गेले गांधी

आले गांधी गेले गांधी, परी उरले नोटांवरती..

रुपये पाच वा असो पाचशे, हासत ते त्यावरती..

आले गांधी, गेले गांधी, उरले भिंतीवरती...

कोर्ट असो वा असो कचेरी, दिसती खुंटीवरती..

आले गांधी, गेली गांधी, उरले घोषणांत..

सत्य, अहिंसा विसरलेल्या राजकारणांत..

आले गांधी, गेले गांधी, उरले अभ्यासात...

शाळेमधील इतिहासाच्या पाठ्यपुस्तकात..

आले गांधी, गेले गांधी, उरले गांधीवादी..

नसे जेथ गांधीवादाची, नाममात्र उपाधी..

निंदिती तया जे जे तेची, 'गांधीवादी' भासती..

'गांधीवाद' तो समजून घेता,भले भले फसती..

          ~ पङ्कज ( ०२.१०.२०२३ )